كشفت الفنانة نجوى فؤاد، الاحد، عن العديد من جوانب حياتها الشخصية، معربة عن حزنها الشديد بسبب ما وصفته بـ«تجاهل زملائها داخل الوسط الفني لها»، قائلة: «لم أعمل خلال الـ7 سنوات الماضية».
وقالت الفنانة نجوى فؤاد عبر مداخلة هاتفية في برنامج «كلام الناس» الذي تقدمه الإعلامية ياسمين عز عبر قناة «MBC مصر»: «الوسط الفني مبقاش فيه أي رحمة على عكس زمان خالص، كان في رحمة وعطف وحنان من الفنانين على بعضهم البعض».
وأضافت :«كان كل يوم بنتجمع عند حد وكنا متلاحمين مع بعض، فين أنا، عايزة أعيش، بقالي 50 سنة أو 49 سنة شغاله في مجال الفن، انا ضيعت فلوسي كلها في الانتاج الفني، أنا بقالي 7 سنين مش بشتغل وفي ناس بتشتغل أكتر من 30 عمل».
واختتمت: «بسأل بقولهم انا ليه مش بشتغل، بيتقال أن السبب العرض والطلب ودة متوفر فقط في البطل والبطلة والمؤلف والمخرج يعني 4 أو خمس عناصر بس وهم دول اللي بيقوم عليهم العمل لكن باقي الأدوار مثل الدور الثاني والثالث والأدوار الثانوية مش عرض وطلب ولازم يشتغلوا».
