أخبار عاجلة

«الفن سبوبة» و«مش عايزة بنتي تمثل».. 7 تصريحات مثيرة لـ«مي كساب»

«الفن سبوبة» و«مش عايزة بنتي تمثل».. 7 تصريحات مثيرة لـ«مي كساب» «الفن سبوبة» و«مش عايزة بنتي تمثل».. 7 تصريحات مثيرة لـ«مي كساب»

التحرير

مغنية وممثلة، قدمت الكثير من الألبومات والأعمال الفنية، وفتحت أمامها أبواب الدراما بعد تقديم بطولة المسلسل الكوميدي الناجح "تامر وشوقية" أمام أحمد الفيشاوي، تزوجت من المغني الشعبي محمد صلاح المعروف باسم "أوكّا"، وأنجبا ابنه هي فريدة.

كشفت مي كساب، عن الكثير من الأسرار الشخصية والفنية، خلال لقائها بالأمس، في برنامج "بيومي أفندي"، مع الفنان بيومي فؤاد، على قناة ""، وإليكم أبرز تصريحاتها...

1- أنا هبلة ومش بتاعت مصلحتي
قالت الفنانة مي كساب، إنها ليست من أتباع المصلحة، ولا تعمل مع أي شخص في مجال الغناء أو التمثيل حال اتخاذها موقف منه: "عمرى ما كنت بتاعت مصلحتي، ولازم أكون بحب الشخص اللي أمامي علشان أشتغل معه، أنا واحدة هبلة يعنى لو في منتج رفض إعطائي مستحقاتي المالية في أي مسلسل أو فيلم وطلب منى العمل معه هاشتغل معاه تاني، ومعنديش مشكلة في كدة".

2- ليا فلوس برة من 2011 ومش عارفة آخدها

تابعت مي: "مبعرفش أطلب فلوسي من حد أنا ليا فلوس برة من 2011، ومبعرفش أخد موقف من حد، أنا حنفي أوي يعني واللي بينصب عليا بشتغل معه تاني عادي".

واستكملت: "معايا شيك بمبلغ لمنتج بس مفكرتش أقدمه وأطلب حقي، لأنه قالي الفيلم معملش إيرادات وخسرت كتير".

3- حولونا لبتوع سبوبة ونحتاية

انتقدت الفنانة مي كساب، الوسط الفني، وخاصة المنتجين، موضحة أنهم لا يسعون سوى وراء الربح، وليس تقديم عملًا فنيًا متكاملًا.

وقالت مي،: "كلنا بنقبل شغل عشان لقمة العيش، رغم عدم وجود قبول كامل له، إحنا في والوطن العربي نفتقر للمنتج الفنان، بيحولونا لبتوع سبوبة ونحتاية، وإحنا عشان الأقساط وناس في رقابتنا، بنضطر نقبل". 


 

3- مكنتش ناوية أشتغل بعد الجواز

أكدت مي أنها كانت تنوي عدم العمل بعد الجواز: "قولت مش هشتغل بقى ليا راجل يصرف عليا ومش لازم أنزل أشتغل وأتعب نفسي، بس لما جالي دور مع نيلي كريم في مسلسل (لأعلى سعر)، مقدرتش أقولها لا، والحمد لله الدور كان لطيف وعرفت أعمله بجانب إني آخد بالي من بنتي.

وتابعت: "عندي تأنيب ضمير وبخاف أسيب بنتي أو أهملها وأخلي حد تاني يهتم بيها".


 

4- كنت بهتم بالشائعات زمان

عن الشائعات، قالت: "أمي كانت بتضايق من الشائعات وبتدعي على اللي بيقول كلام عليا ظلم، أنا بنت وشرفي وسعمتي مينفعش حد يتكلم عليا عشان واقفة مثلًا أتكلم مع واحد".

وتابعت: "دلوقتي بقيت وباردة ومحمد علمني أكون باردة وبلاش عصبية، خليهم يكتبوا اللي هما عايزينه وبطلت أرد كمان عليهم".

5- الناس بتزعل عشان بصور بنتي بضهرها

قالت مي: "الناس بتضايق عشان بصور بنتي من ضهرها ومنزلتش ولا صورة ليها بوشها، قولتلهم ليه يا جماعة أنا حرة طالما مبضرش حد".

واستكملت: "محمد منير حبيبي كان في حفلة ولسه راجع من العلاج، فحبيت أطمن عليه وطلعت غنيت معاه، وقالي هاتي فريدة على المسرح جبتهاله وباس رجلها، فالموقف أثر فيا ونزلت الصورة وكتبت فريدة خدت البركة من الكينج، لقيت هجوم والناس بتقول بركة إيه هو كان شيخ مالك في ايه".

وتابعت: "مسحت كل اللي غلط في منير، وكتبتلهم الكينج ده أبويا وحبيبي ويعتبر جد فريدة وتحصلنا فعلا البركة لأنه سلم على فريدة وباسها".

6- دنيا سمير غانم هي الأولى

تابعت مي: "بحب شادية جدًا وهي مثلي الأعلى في كل حاجة، ومن الموجودين دلوقتي أنا شايفة إن دنيا سمير غانم هي الأول على الفصل في مدرسة جيلنا".

7- مش عايزة بنتي تمثل أو تغني

أوضحت مي أنها لا تفضل دخول ابنتها في الوسط الفني، وقالت: "مش هدخل في اختيارتها ده قراراها، بس هقولها سلبيات المهنة إن مفيش حياة، بس من جوايا مش عايزاها تبقى كده لأنها مش هتعرف تستمتع بحياتها ولا تروح أي مكان".

 

التحرير