انتقد الإعلامي عمرو أديب، فتوى الدكتور ياسر برهامي، نائب رئيس الدعوة السلفية، بـ«عجز الزوج عن منع إغتصاب زوجته»، رداً علي أحد السائلين على موقع «أنا سلفى»، حيث قال : «مفيش حيوان يقبل كده على نفسه أو على الأنثي بتاعته غير الخنزير، دي الفطرة الحيوانية مش البشرية».
و تسائل «أديب» خلال حوار مع الدكتور سعد الدين الهلالى، رئيس قسم الفقه المُقارن بجامعة الأزهر، في برنامج «القاهرة اليوم» على شاشة «أوربت»، مساء الثلاثاء : «تخيل لو الشيخ ياسر وقف على المنبر في إحدى جوامع سوهاج، و قال للمجتمع اللي دمه سخن سيب مراتك لو حد جه يغتصبها».
فأجابه «الهلالى» :«أكيد مش هيسبوه، محدش يقبل هذا الكلام إلا الناس اللي معندهاش مخ بتسمع و تطيع الأوامر و النواهي، هتسمع فتاوى كتير ملهاش أي قيمة أو تأثير».
