نعى محمد زيدان، مهاجم بوروسيا دورتموند الألماني ومنتخب مصر سابقا، والده عبدالله زيدان الذي توفي قبل أسبوع، برسالة مؤثرة، كشف فيها عن قوة علاقتهما، والظروف التي منعته من توديعه قبل الوفاة.
وكتب زيدان، عبر حسابه على موقع «إنستاجرام» اليوم الجمعة «عدى أسبوع على فراقك. وأول مرة في حياتي أحس بكسرة ووجع القلب الحقيقي، لحد دلوقتي مش مصدق ولا مستوعب إني مش هشوفك تاني ولا هلمسك تاني ولا حتى هسمع صوتك تاني».
وأضاف زيدان « مع إننا في الطبيعي في حياتنا ساعات بيعدي علينا أيام وشهور بنبقى فيها مشغولين إننا نشوف بعض أو حتى نكلم بعض، وآخر مرة أشوفك فيها يكون عندي كورونا، فا أشوفك فيها من الشباك من غير ما أحضنك ولا حتى أبوسك ولا أحس بيك، والمرة اللي قبلها أكون فيها مع ولادي في الأجازة بتاعتهم وأنت تيجي علشان تشوفهم آخر مرة وأنا أكون ملهي بيهم ومشغول معاهم وماشبعش منك».
وواصل زيدان رسالته قائلا «وييجي عيد ميلادك قبل ما تتوفى بأسبوع ما أعرفش أحتفل بيك، وأقولك أول ما تخف هنعملك عيد ميلاد عندي في البيت، ومنلحقش حتى نعملهولك، فراقك واجعني قوي، وكسرني قوي ، كنت بحب أكلمك وأقولك على كل حاجة حلوة في حياتي وكنت ألاقيك عارف بيها قبل ما أقولك عليها».
واختتم نجم بروسيا دورتموند السابق بقوله «عمري ما هنسي في عز أزماتك لما بعت العربية بتاعتك علشان تسفرني وأنا عندي ١٦ سنة علشان أحقق حلمي في الكورة، ربنا يرحمك يا بابا يا حبيبي ويغفرلك ويعفو عنك، هفضل طول عمري فاكرك وعايش على ذكراك، ومتقلقش على ماما وأخواتي».
