أخبار عاجلة

خال ضحيتي حادث معدية منشأة القناطر: «ولاد أخواتي ماتوا علشان ضيقة الحال.. وقلوبنا محروقة» (صور)

خال ضحيتي حادث معدية منشأة القناطر: «ولاد أخواتي ماتوا علشان ضيقة الحال.. وقلوبنا محروقة» (صور) خال ضحيتي حادث معدية منشأة القناطر: «ولاد أخواتي ماتوا علشان ضيقة الحال.. وقلوبنا محروقة» (صور)

قال أحد أقارب ضحيتين في حادث معدية منشأة القناطر والقطا وسقوط سيارة تقل عمال يومية بمياه النيل بفرع رشيد، إن «الخبر كان صدمة، وقلوبنا محروقة على الضحيتين بعد استخراج جثتيهما».

وأضاف خال الضحيتين لـ«المصري اليوم»: «أبناء شقيقاتى الضحايا: زينب عبدالعزيز 16 سنة، وابن خالتها سعيد مسعد 14 سنة، شغالين عمال في مزرعة في الجبل. أهاليهم حالتهم المادية صعبة وبيشتغلوا عشان يقدروا يعيشوا».

تابع: «أختى أم سعيد (أحد الضحايا) اتجوزت وفضلت 14 سنة بدون إنجاب حتى أنجبت سعيد، وها هو سعيد سندها مات بعد ما شالت الرحم ومبقتش تقدر تخلف تانى، راح منها سندها».

واصل: «بنت أختى التانية زينب (إحدى الضحايا) عروسة مخطوبة وفرحها بعد شهور، كانت بتشتغل عشان تعيش وتساعد أهلها في جهازها. ولاد أخواتى راحوا ضحايا إهمال بنى آدمين والظروف الصعبة».

وقال: «بقالنا كذا ساعة مطلعين جثثهم ومش عارفين ندفنهم، قلوبنا محروقة عليهم، وأهالى قرية القطا ساعدوا كتير في استخراج المصابين والضحايا، ربنا يتولانا ويصبر أهالى المفقودين».

وأضاف: «لحد امتى هيفضل يموت مننا ناس، قريتنا في المنوفية كلها عمالة بتعدى الصبح في معديات وآخر النهار عشان لقمة العيش وضيقة الحال. اللى ماتوا ذنبهم الوحيد أن أهلهم على قدهم وخارجين يساعدوا عشان يقدروا يعيشوا».

وتكثف قوات الانقاذ النهري جهودها لاستخراج المواطنين الغارقين في حادث سقوط سيارة بفرع رشيد بمحافظة الجيزة، أثناء محاولتها استقلال معدية القطا للعبور إلى الجهة الاخرى بمركز أشمون بمحافظة المنوفيه، حيث تم استخراج ١٤ مواطن ناجي حتي الآن بحاله جيدة وجاري استكمال أعمال المسح للبحث عن المفقودين.

ومن جانبه، تفقد اللواء أحمد راشد محافظ الجيزة موقع حادث سقوط سيارة نص نقل محملة بالعمال من معدية خاصة بفرع رشيد بمنطقة المناشي دائرة منشأة القناطر بمحافظة الجيزة وكانت في اتجاهها للبر الآخر تجاه المنوفية.

حادثة معدية أبو غالب في المنوفية
حادثة معدية أبو غالب في المنوفية
حادثة معدية أبو غالب في المنوفية
حادثة معدية أبو غالب في المنوفية
حادثة معدية أبو غالب في المنوفية
حادثة معدية أبو غالب في المنوفية
حادثة معدية أبو غالب في المنوفية
حادثة معدية أبو غالب في المنوفية
حادثة معدية أبو غالب في المنوفية
حادثة معدية أبو غالب في المنوفية

المصرى اليوم