أخبار عاجلة

وعد .. «شعر» لـــ أمانى محفوظ

وعد .. «شعر» لـــ أمانى محفوظ وعد .. «شعر» لـــ أمانى محفوظ

اشترك لتصلك أهم الأخبار

جددنى..

ومددنى على شُطآن

فارشهالى بورق الورد..

■ ■ ■

وقول كام وعد ف ودانى

لا يوم ترحل

ولا تسيبنى

ولا يا حبيبى تنسانى..

■ ■ ■

وحددنى بقلم عمرك

فى صورة راسمها علشانى..

■ ■ ■

وعددنى

فى كل مشاهد اتمنيتها ف الأنثى

وسيبنى اهديك مَشاهد حُب لا تُنسى..

■ ■ ■

واجذبنى كما القطة

بكام نقطة

من العطر اللى خلانى

أتوه واغرق ف بحر هواك..

■ ■ ■

واخوض جوه الخيال واحلم

بليلة جديدة أعيشها معاك..

■ ■ ■

دفاك فيها يبددنى

ويمحيني

وترجع إنت تِحيينى..

■ ■ ■

ومن تانى..

تجددنى..

تحددنى..

وتوعدنى

لا ترحل يوم

ولا تسيبنى

ولا يا حبيبى تنسانى..

المصرى اليوم