أخبار عاجلة

أحمد موسى: أسطول مصر الضخم عامل قلق لإسرائيل وتركيا

أحمد موسى: أسطول مصر الضخم عامل قلق لإسرائيل وتركيا أحمد موسى: أسطول مصر الضخم عامل قلق لإسرائيل وتركيا

التحرير

قال الإعلامي أحمد موسى إن الأسطول البحري المصري الضخم هو مصدر إزعاج لإسرائيل وتركيا.

وقال موسى أثناء تقديمه برنامج «على مسئوليتي»، المذاع على فضائية «صدى البلد»، اليوم الثلاثاء، «أسطول الضخم عامل قلق لإسرائيل وتركيا، خبراء إسرائيل بيتكلموا إن القوات البحرية المصرية هتسببلنا مشاكل، برغم إن إحنا معندناش مشاكل مع مصر، وفي حالة سلام، ولكن بنقول على مستوى التقنيات والتحديث اللي وصلت ليه مصر من أحدث قطع البحرية في العالم إنها تملكها البحرية المصرية، دا فيه خطر على أمن إسرائيل»

وأضاف: «حضراتكم البهوات والناس اللى معندهمش فكرة واللي هو باصص تحت رجليه، اللى بيطلعوا بس يرغوا أو يتكلموا، مش عارفين إن البلد دي فيها مؤسسات شايفة، عندها معلومات، بترصد أي خطر، بترصد أنا بعمل من بدري دا ليه، بجهز نفسي».

وتساءل: «هو أنت انهاردة لو مكانش عندك دا كنت تقدر تبقى موجود؟»، وتابع: «لا.. أصلًا الشركات مكانتش هتجيلك (في إشارة منه إلى شركات الطاقة التي تقوم بالبحث عن الغاز الطبيعي في حقل ظهر)، لأن دايمًا الشركات محتاجة أمن في هذه المناطق المتشابكة واللي ممكن يبقى فيها مشاكل أو حد يحاول يعتدي عليك، أو يعتدي على الحفارات الموجودة، أو على الشركات اللي بتشتغل، أو على العمال اللي بيشتغلوا هناك، أو الفنيين، لازم يبقى عندك القوة التي تحمي الشركات وتحمي الناس الموجودة في هذه المناطق، وخاصة على بعد 200 كيلو متر داخل البحر، فوجود هذه القوات هو اللي ساعد يبقى عندك شركات، يساعد يبقى عندك إنتاج، وأكتر من كدا في اللي جاي».

التحرير