أخبار عاجلة

شقيقة «متهم المرقسية» تكشف مفاجأة: «أجرى عملية من 3 شهور ومش بيمشي»

شقيقة «متهم المرقسية» تكشف مفاجأة: «أجرى عملية من 3 شهور ومش بيمشي» شقيقة «متهم المرقسية» تكشف مفاجأة: «أجرى عملية من 3 شهور ومش بيمشي»

التحرير

ارسال بياناتك

قالت شقيقة المتهم في تفجير الكنيسة المرقسية بالإسكندرية، علي محمود محمد حسن، موالد 1972، يُقيم في رأس غارب بالبحر الأحمر، إن شقيقها ليس إرهابيًا، مستكملةً: "أخويا مش إرهابي والله، وإحنا اتفاجئنا بصورته على التليفزيون زي بقيت الناس، وكانت كارثة بالنسبة لينا".

وأضافت خلال مداخلة مع الإعلامي جابر القرموطي، ببرنامج "آخر النهار"، عبر فضائية "النهار": "أخويا عامل عملية في القلب، ومش بيطلع من البيت، آخر سفرية لنا كانت من 3 شهور، عشان نعمله عملية، كان في العناية المركزة والمستشفى هنا حولته للقاهرة عشان يعمل قسطرة، والعملية أثرت على رجله ومابقاش بيمشي".

شاهد أيضا

تابع: "البلد هنا كلها تشهد معانا إن أخويا مش بيمشي أصلًا، بيطلع 6 الصبح عشان عنده كشك جمب البيت، وبيرجع الساعة 8 يبص على والدته لأنها مريضة وينام عشان يصحى بدري، وهو حتى الآن في فترة نقاهة بسبب العملية، ننام ونصحى يبقى إرهابي إزاي؟".

استكمل: "أخويا ملوش أي علاقات، وبقاله أكثر من 5 سنين مش شغال، وهو سلِم نفسه أول ما شاف اسمه، وقال أنا ماعملتش حاجة عشان أخاف، وهو متزوج وعنده طفلين".

التحرير